السلام عليكم !
أخباركم بعد الي صار بالرياض :/ !
أكيد سمعتوا بالسالفه يا بالاخبار ولا من الناس ولا بالنت ..
كنا بالجامعه حظنا حظنا ! .. دكتورة النحو غايبه و ماعندنا محاضرة
جالسين بالكفتيريا وحده من البنات من سكان رماح كل شوي تدق عليها امها لا تجي لرماح روحي لاخوانك بالرياض ترى فيه غبار مررره قوي يدي مااشوفها وهي تقول والله ماعندنا شيء بعدين تو الناس مانطلع الحين وكل شوي تدق امها :/ !
وتجي لي رساله من طموح 
..
مضمونها [ اخبار مؤكده جبل ضخم من الغبار متجه إلى الرياض أغلقوا النوافذ و الأبواب ! ]
ع طوووووول قلت للبنات , لآ شعوريًا كل بنت رفعت جوالها الي تدق ع امها و الي ع اختها و الي والي 
..
انا دقيت ع ضحو مسكينه نايمه .. ضحو جايه لي رساله كذا وكذا سكككككري كل شيء طيب 
!
تقول ضحو دقيقتين وتنقلب الدنيا برتقااااااااااالي >< !
انا كنت اشتري ملزمه انقلش وربي مااكذب عليكم بس نزلت راسي شوي شوف وش فيها رفعت راسي ولا الاجواء اختللللللللللللللفت >< >< ! و اشكال البنات كللللهم خايفين طايره عيونهم 
!
انا الحمد لله اني اعرف السالفه بس وربي خفت ! .. جلست اقول للبنات استغفروا ! يمكن يكون عذاب :/
بس للاسف للاسف بعد ماجلست اتجول بالجامعه ادور مكان فاضي ناس يضحكون
خخخخخخخ جاء يوم القيامه ماتزوجت :/ ما مدري ايش 
!
بالله ذا كلام ؟
الله يهديهم بس:/
شوي و طن طن على جميع مسؤولات الامن ادخال الطالبات القاعات او اي مكان مغلق
حسيت اننا بفلم ليه مدري 
وحده من الصديقاتي ضاعت :/ تدق علي هاجر وينك ومدري ايش :/ رحت لها مريتها !
جلسنا قدام الصيدليه وحده من الامن اخذت معها بدون مبالغه 10 بخاخات ربو و كرتون كمامات :/
وبخاخ طالع و كمام طالع :/
لبست عباتي دآخل المبنى عشان مايصير شيء واسرع .. طلعت وركبت الباص وشااااااايله هم :/
لان الاخ مايطير فينا ابببببدًا !
جوالي ماتسكر من اتصال لاتصال من رساله لرساله ..
سمعت بالاخبار يقولون ان 20 سنه ماجاء للمملكه مثل هذا الغبار !
تتوقعون من الجنادريه ؟ 
.. مدري ليه طرت ع بالي !
بس الحمد لله يوم الاربعاء كانت الاجواء حليوه شوي !
مقارنه بين الاجواء
الصورة تعبر عن كل الي براسي !
بأختصار بجمع كلامي كله بآيه :
{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا }
دمتم بخير 
11 التعليقات
1. The Top قال في 13 مارس, 2009 6:09 ص :
ايييه بس !
يوم كلمتيني عشان امرك كنت راجع من الجامعة !
امشي 40 ويالله أشوف ..
وأنتظر المدخل حق كليتكم عديته وما انتبهت له من كثر الغباااار !
الله لا يبلانا بس !
2. A S M O قال في 13 مارس, 2009 12:09 م :
تقهر ذي اللي تقول جا يوم القيلمه و ما تزوجت
!!
يختي وش ذا التبللللد
اففف عالم تقهرررر
يختي فعلا سبحان الله مررررررة بسرعه جا العج
كنت ادور السيارة انا و الهنوووف << زي ما انطقها :P
و شسمه جا مع انو الجو كان رااايق و السما زرررقا :|
سبحان الله !
3. ليمو = ) قال في 13 مارس, 2009 12:37 م :
كويس انكم دارين احسن من اللي مادرى ويحسبها قامت القيآآآمه =”
(انا كنت اشتري ملزمه انقلش وربي مااكذب عليكم بس نزلت راسي شوي شوف وش فيها رفعت راسي ولا الاجواء اختللللللللللللللفت ><”
[بأختصار بجمع كلامي كله بآيه :]
<<” رآآقت لي واتمنى اكون ضيفه خفيفه : )
4. ليمو = ) قال في 22 مارس, 2009 6:17 ص :
يؤ
ليه ردي صار كذا طار بعض الحكي وبقى بعضه : (
صار كانه كلمات متقاطعه مو مفهومه : (
5. هوآوي قال في 22 مارس, 2009 6:25 ص :
ايييه الله يغفر لنا بس كله من الذنووب ,,
ومن هالي قاعد يصيير يتعبر ,,
الله يستر علينا بعد كم سنه وش بيصير =( ,
6. RoOoh Al-Emtenan قال في 22 مارس, 2009 6:26 ص :
الله يعينكم يااارب
ايش اللي صار لكم هذا !!! =(
سبحان الله سار فجأه بدون مقدمات
*اما اللي تقول جا يوم القيامة وما اتزوجت ><
لو شفتها كان ذبحتها
* (طن طن ) الرجاء من الأمن لووول
احنا عندنا اتحدى لو الأمن ماشالو بعضهم وخرجو بسرعه مالهم ومال البنات هااع
7. نوفه قال في 22 مارس, 2009 6:29 ص :
الحمد لله على السلامة أنا كنت ببيتنا على النت
و على قولك انقلبت الدنيا برتقالي
ضحكت ضحك على قريبتنا قالت أعوذ بالله كني في علبة تانج
هي تبي توصف لنا بامانه وش هي تحس به
استغفر الله من جد هالغبار ما عمره صار
8. صارخ بصمت قال في 22 مارس, 2009 4:56 م :
لا حول ولا قوة الا بالله
الله يحمينا جميعا
صور مفجعة بصراحة
9. ^.^ قال في 13 مايو, 2009 2:08 م :
الحمداالله على سلامتكم يا أهل المملكه!!
انا من الامارات بس ما سمعت عن ها الخبر>>>>غير متابعه للاخبار
اتمنى تقبلي مروري
10. نوفآآ قال في 20 نوفمبر, 2009 4:00 م :
يووووووه يآ عمري رحمتكم ذذذ
تصدقين ذآك اليوم أحس آني آذكرره كل الدنيآ برتقآآلي صح
يومآآآه تروه
><
()
11. نوفآآ قال في 20 نوفمبر, 2009 4:05 م :
هههههههههه حلوه كنهآ في علبه تآنج
يآ رب لطفك آرجووو
شسسمآآآه الله يعين
الله أكب الله أكبر لآ اله الا الله
لآ تنسسسون التكبير @_@
أضف تعليق
التعقيب على هذه التدوينة | خلاصة التعليقات