السلام عليكم ..
يوم الاحد كنت مع ابوي رايحين مشوار انا و اختي
شوي ويتصل شخص ع ابوي واسمع ابوي يقول الخميس ؟ ماشاء الله تدل فيها اشياء و ربيع .. الخ
سكر ابوي منه .. من باب الفضول اانا وأختي مين ذا ؟ بتطلع للبر ؟
قال ذا ابو سعود .. قلت بتطلعون للبر :| ؟ .. قال اي كلنا .. بس تطلعون الساعه 9 نكون عند نادي الشباب
يوه انا و أختي تحمسسسسسنا ! ننتظر ذا اليوم متى يجي :/
الله يجزاه خير يآرب ..
وجاء يوم الخميس مشكله للي تحمسوا ويالله يالله ناموا :/ .. و الي بيقوم بدري الساعه 7 عشان يسوي مراصيع 
..
والي و الي ..
تجهزنا .. و طلعنا من البيت 9 وربع :s ..
السيارات ثلاث سيارات .. رحنا للمكان الي اتفقوا عليه
بدأت المسيره 
!
* للاسف صورت وانا ورا ابوي .. عشان كذا واضح الكرسي والاشياء الباقيه :s !
و بالطريق قلنا لأبوي شغل شيء 
.. هدوء كذا >< ..
شغل شريط الاسيف ..
شوي ولا اختي نوري سكروا الشريييط جاب لي النوم :s ..
سكرناه خفنا ننام وراها :s ..
عاد بما ان جوالي مليان اناشيد شغلت لهم (h)
شوي و تتكلم أمل صوته قصييييير مانبغى ..
بعدين سكرته رحمت جوالي نشف ريقه وصوته تعبان ع صاحبته>< ..
الي ورا ( الي هم نوري و أمول ) مسكوا ام بي ثري كل وحده لها سماعه :ة ..
وانا معي الكام اصور الطريق 
.. و المناظر الخلآبه بمملكتنا الجميله (f)
دخلنا لمكان مدري وش هو :\ .. بس شوي و تقول أمي صوري صوري النخيل ..
بعدين وصلنا لمحافظة حريملاء ..
وطول ما احنا ماشين مزارع و كذا ..
ماطولنا فيها مشينا بالسياره مانزلنا .. ماصورت فيها كثير صور خفيفه و مسحوبه :S
بعدها ثادق ..
برضو ماصورت فيها كثير .. بس صورة وحده واحنا بالطريق
بعدين جلست اسمع بجوالي و احوس بالكاميرا
شوي و جابوا لنا المراصيع (H) ..
شغل اختي ضحو 
طعمها ولا بالخيال (H)
مرينا ع مزرعه قال ابوي هاجر صوري ذي المرزعه > ماصدقت خبر و امسك الكاميرا و صور
وصورت بع عشان حمودي 
..
ومرينا ع مقبره .. قال ابوي سلموا عليهم و كذا علمنا الصغار والخدامه الي مايعرفون جلست اختي الكبيره تقول كلمه و يكررون
بعدييييييين وصلنا للمكان الي بننزل فيه (H)
الي هو العطار وقف ابوي عشان اصورة 
هاجر صوري يمين هاجر صوري يسار :S ..
وانا بس اصور و امد يدي و مدري وشو :| ..
يوووووم وقفنا و نزلنا كأني عصفور من زمان مسجون وتوه يطلع > ياتشبيييييه 
!
مارحت سلمت رحت للبيوت القديمه اصور اصور ادخل ولا تجي خالتي رحت سلمت عليها و قالت انتبهي لآ تتعمقين واجد ترى يمكن يطيح شيء :/
خفت ووقفت عن الباب شوي وتجي بنت خالتي (وشوشني حفظة الله ) دخلت معها داخل نصور و كذا
عاد يبدا الشغل الصح و التصوير السنع (H)
هذا اظن الدور الثاني .
بعدين اسمعهم ينادون هاااااجااااااار تعالي شوفي البير
يخوف عمييييييييق !
ذي نوري
فكرة وشوشني 
..
لآ انسى ان اشكر الذبانه الي طلعت بكم صورة و الحمد لله اني انتبهت وعدت الصورة ..
وانا اتنقل من بيت لبيت لقيت جزء المسيره .. طبعًا صورتهم
لقيت مسجد قديم صورته برضو
بعدين اكتشف ولد خالتي بير ثاني فيه مويه
صورة للبير من قريب
ماهاوشتني امي قالت بعدي عن البير
بقايا شخص كان يعمل هنا
خخخخخخخ اما هذا الباب :P .. اختي جت تضرب تضرب فيه و شوي وتجي وشوشني تضرب واتهز الباب :ة ..
جاء ابوي من ورا ترى الحين يطلع لكم رجال ع طووووووول طيرااااااان لمكان بعيد ..
اي وبعد ههههه امي جت بتفتح الباب نفسه و ماحست ولا زوج خالتي (ابو سعود مرشدنا السياحي ) ينادي يلآ يلآ تعالوا هناك امي ابد ابد ماخافت
* الي تحت طالع نص وجها امول ..
أما هذي الصورة :خق ..
هذا سيكل خالتي نست ماتاخذه ( تلعب علينا ) بس فيه ناس صدقوا
هذي النخله لقينا فيها اكياس و نظارة شمسيييه ! و ليز و شسمه حق الحليب
برضو صورت ورود بس بتصير بتدوينه لوحدها ان شاء الله
حمودي أول ماحطوه بالمدري وش اسمه .. خاف ورفع يده ..
هذي صورة ابوي مع الكاميرا طبعًا مايدري يوم صورته الا يوم خلاص صورت و انتهيت
هنا ينادوني بيروحون لمكان ثاني و الكاميرا امتلت :S .. وقفت بمكاني الا الا اصور ذي الصورة ..
انتظرتني اختي لما خلصت و صورت و رحت لهم ..
اما هذي الحشره فتحت شنطه الكاميرا لقيتها فيه حتى الحشرات ملآقيف :/ ..
بعدين جلسنا شوي اكلنا كيك و بسكوت و المراصيع و شاي و قهوة و ذي الاشياء ..
مشينا بنروح لسد بطريقنا لسد لقينا اثار مطر
ذول الجمال.. مرينا بوسطهم ><
وابوي وقف يصورهم قلت خل انزل الشسمه و اصور
جيناااااااااااااا لسد اسم السد اذا ما نسيت الامالح
* الي ع جنب اليمين عمو نبيل و عمو عماد ..
فيه ناس تزحلقوا من فوق لتحت :s .. فيه ناس تعلقوا بالسياره بس ابوي يمشي شووويش
آممممم صور السد كثيره :S ..
مرينا ع مسجد ناس شربوا مويه ناس تتوضى ناس وناس ..
انا جلست اصور بعد وش شغلتي الثانيه :/ ..
آيييييييييي واحنا بطريقنا شفنا خيل .. وقف ابوي يصوره و صورت معه ياحبي للخيل :$
شوي ونشوف بقره :P ..بس ماصورتها ابوي قال صرنا بعيدين مقدر اوقف :/
وشفنا علف بس كنت شبعانه :/ حتى ضحو شبعانه :/
بعدين رحنا سد السبعين بس ماصورته حتى مدري فيه مويه ولالا
جلست اصور البيوت
صورتهم من بعيد لذكرى
بعدها رحنا لمسجد قديم فيه قبو ..
ع الساعه اربع رحنا للمجمعه نتغدا ..
فيه ناس يبغون بيزا هت بس ماشروا :/
بعدين عاد المجمعه ..
دخلنا بيت لقينا فيه شنط و جزم و ألبوم صور بس مافيه صور ..
ومغسله و كذا واضح انه مجدد !
بعدين تركوه :/
عمي ابو سعود يقول انه يتذكر ذا البيت وجلس يقسم الغرف علينا..
ممافيه صور حلوة هنا لآن الكاميرا مدري وش جاها .. صارت تصور صور كم مره و مشوشه وحوسه :/
رحمتها ولا صورت !
جلسنا ننزل الاشياء عاد صورت عفش كله مدري نصه
الرجال شبو نار و راحو يصلون المغرب ..
جلست اصصور النار كم صورة ..
وبعدين شربنا حليب ..
ظلمت الدنيا مشينا ع الساعه 6 ونص
جمعنا الاغراض .. وقفنا عند محطه عبوا بانزين و ابوي راح شرا مويه و عصير وزعها ع السيارات
وصلنا للبيت الساعه 9 ونص ..
بعد ماوصلت للبيت بشوف كم صورة و بنزلها ع الجهاز ..
الحمد لله الحمد لله 350 صورة ..
رحلله رائعه اشكر مرشدنا السياحي عمو نبيل و خالتو ام سعود
وكل من ساعدني بالتصوير و مسك الكاميرا وصور كم صورة & شكرًا لكل من جاء للرحله &شكرًُا لكل من ساق سياره بأختصار ..
واقول لذا توب وحسان فااااااتتكم بقوة فاتتكم :/ !
المره الجايه تكونون معنا و ابراهيم ان شاء الله 
كأنت رحله تصويريه & أخذ راحه & استعداد للأختبارات :s & تغير جو ..
طولنا وماعرضنا كل الصور الباقي ترقبوها بعديين !
شكرًا لتحملي وقراءة خرابيطي :$
28 التعليقات
1. The Top قال في 3 فبراير, 2009 12:26 م :
ذا توب أجل ما لي أسم أنا
!
فوق ما قهرتيني بالصور تقولوين ذا توب يا المهاجرة
!
برا برا برا !
أحد قال لكم تكشتون وأنا عندي اختبار نحو الأحد
!
دبيين جدا جدا جدا !
2. The Top قال في 3 فبراير, 2009 12:29 م :
صح نسيت أقول أطل شيء عنوان الموضوع الخبلة أمل
وأيضا صورة أبوي وأمل وحمودي !
أصلا الصور بايخة أنا موب موجود فيها
3. •°بسمہَ خ ـجل°• قال في 3 فبراير, 2009 12:39 م :
~ ماشاء الله ~
رحلـة في غايـة الروعـه
تسلملنا هالديات على هيك تصوير
جعلها ما تمس الناار ..
4. سامي قال في 3 فبراير, 2009 12:41 م :
الصور رهيبة .. أجل أنتم يا أهل نجد عندكم طبيعة أحسن من عندنا أهل الجنوب .. الأرض جفت و نشفت الله المستعان بس .
5. The Top قال في 3 فبراير, 2009 12:52 م :
هاجر سؤال !
ثادق وش تذكرك فيه ؟
ما قال شيء أبو يوم دخلتوها ؟
6. almhajera قال في 3 فبراير, 2009 1:15 م :
الا الا ابوي وكلهم بعد
.. حتى رحنا للمكان الي وديت السياره !
!
وكل شوي يذكرونا يوم الشسمه و الشسمه
فيه ناس تدور الشبك الي طايح
.. تحمسوا 
7. أفيــــاء قال في 3 فبراير, 2009 2:56 م :
كشتةٌ رائعةٌ جدًا !
< اللي قاعدة تذاكر نحو
ماشاء الله المكان ياخذ العقل والله
احنا ماعندنا كذا ليه ؟
أحسن شي صورة أمل وحمودي الله يحفظهم ويجعلهم قرة عين يارب العالمين
أمول شعرها صار طويل شوي ياحبي لها
شكرًا على التغطية مراسلتنا هاجر من العطّار
8. A S M O قال في 3 فبراير, 2009 6:34 م :
وش ذا النسايب السحبه يطلعون لحالهم
ما شاء الله رحلتوون منتازتوون
ما نقصها الا انا << برا 
brb بذااااكر دعواتكم
9. مجهول بنت مجهوله آل مجهول ..! قال في 4 فبراير, 2009 9:56 ص :
ههههههههه ماشاء الله رحله ولا اروع تبارك آلرحمن ..
10. قلب الشرقية~ قال في 4 فبراير, 2009 10:53 ص :
أهم شيي آستـآنستوآ ..!!
11. هوآوي قال في 4 فبراير, 2009 4:35 م :
محلوفن علي ما اقرااه
12. أُم الدحمي قال في 5 فبراير, 2009 12:32 ص :
حجز .. حسافه راح علي أول رد
<– لا تشرهين مب راعية مدوّنات 
يااااااااااااي
.. ونااااااااااااسه 
تحمممست أطلع طلعه مُفاجئه 
يا ربّ يدّق جوّال أبوي يااا ربّ
<– بالضبببط نفسكم 
ماشاء الله ماشاء الله .. تقرير مزبوطي متكامل لا إله إلا الله
أنواع نشر الغسبل
<– لا أمزح 
يا حبي لتس هجّوري
، كل يوم حطّي الراب فيذاك ترانا ماندل 
13. أُم الدحمي قال في 5 فبراير, 2009 12:34 ص :
الرابط*
<– في بيت أبوها
14. طمووحة للأبد قال في 6 فبراير, 2009 4:49 م :
يالشينة ليه داايم مدونتك ما تطلع السالفة بشكل مضبوط ؟؟
نص الصور والكلام طاير !!
15. نــوريـــ قال في 8 فبراير, 2009 4:32 م :
اي واله صادقة كانت رحله ممتعة والحمد لله اني كنت معكم
16. HaJaR قال في 15 فبراير, 2009 3:06 ص :
رحلة قميلة قدنن
الزرع يجنن
هاجر المره الجايه مروني ولا ازعل عليكم
17. أحمريكا قال في 15 فبراير, 2009 11:19 ص :
ايه ايه هذا زي الشسمه اللي عندنا
مع أن الموضوع محيوس أبو أمه الصور بجهة والكلام بجهة بس تقرير روعة والله
تحمست أروح لذا المكان،، جاري الحنّة على أمي وأبوي..
بس سؤال: الحين هو بر ولاقرية ولاتراث يعني وشو بالضبط؟؟
18. لمى قال في 15 فبراير, 2009 7:33 م :
مامريتوا على قريه البير حول ثادق
19. مضيعه بيتهم قال في 17 فبراير, 2009 2:14 ص :
ماااااااشاااااااااااااء الله
رحلة اكثر من رائعه
الصور تكفي عن التعليق
كل هالمناظر في بلادنا توني ادري 
الله يجمعكم دائما ع الخير يييااااااااااااااارب
تغطية موفقة بانتظار المزيد
20. غـيم قال في 18 فبراير, 2009 5:33 م :
أوه لي سمية هنا ؟
يسلم قوقل اللي وصلني
21. أح ـلى من الح ـلا قال في 20 فبراير, 2009 5:00 م :
ماشالله رحلة ممتعة
عقبالنا احنا
للفائدة / دخات على مدونتك من صديقتك صمتي سؤال بمجتمع حياتها
22. TO0OP قال في 27 فبراير, 2009 11:11 م :
ماشاء الله
رحلة جميلتون جدن
وصورك مرة روعة
23. لآزوردة =) قال في 1 مارس, 2009 12:50 م :
وش ذااا
الصفحة مقطوعة
مايطلع الا نصهآا
وش السواة معي .. تراي تحمممست
24. الجمان قال في 1 مارس, 2009 9:18 م :
ياسلااااااااااام رووووووووووووووووعة
ليش مااخذتيني معاكي ياجوجة
>>> زعلت تهي
25. مضاوي قال في 25 مارس, 2009 9:07 ص :
يــآي مره رحلتكم وناسه ماشاء الله
احلى شي الخيل ليش ماركبتوه
تنعاد لكم هالرحله مرات واجد ان شاء الله
26. بسمة امل قال في 31 مارس, 2009 4:42 م :
خخخخخخخخخخخخخخخخخخخخخخخخخخ
اما ابو التحف اما ابو التحف احس ونااااااساااه يا بختكم وتصلمين يا مصورتنا المبدعه رد ع عجل ترى ولا بجعبتي كلام بقوله<<متعوب عليها بجعبتي ذي ذذ بسمة امل
يا
27. ALMHAJERA قال في 12 أبريل, 2009 12:02 ص :
شكرًا لكم
~
28. HALO قال في 20 مايو, 2009 5:07 م :
كانت رحلتن جميلتن
ناقص شيء
وفي ناس بغو يطيحون بالبير
وشكراً ..
أضف تعليق
التعقيب على هذه التدوينة | خلاصة التعليقات