سلام عليكم
بما اني من زمااان ما نزلت تدوينه
عاد قلت اجيب لهم سالفه طاااازجة قبل عشر دقايق 
السالفه صارت مع اخوي الي اصغر مني بـ ثلاث سنوات 
المهم ما علينا نجي لسالفه
كنا انا وهو مفلسين ما عندتا رصيد ><”
قالت امي الله يجزاها خير
انتي لك 50 وهو 20
لآني بنت وهو ولد :5^
قلت له يدق ع البقاله يطلب رصيد له 20 ولي 50
طبعًا رفض و راح لأمي
قالت له انت تاخذ كل يوم فلوس وهي ما تاخذ :/
وانت تطلع و هي ما تطلع :/
وانت تشوف اصدقائك هي ما تشوفهم :/
عشان كذا قلت لها 50 ولك 20
وانا اقول اي والله يماه معك حق
وهو طبعًا قال لآلآ ما يصلح وشو هذا
قالت له لك 30
قال لآلآ مابي وبعد مشاجرات معه بس مو ضرب استهبال و انا بس اقهره
قالت امي خلاص اجل 20 وبس
بعدين دق ابوي عليهم لآن حسان رفض
وطلب لي 50 وهو 20 :1 ..
ويدق جرس الباب
نزل حسان ياخذ الطلب
طول وهو تحت
يوم صعد فوق جاء لي قال ترى بطاقتك بـ الشارع
وشوو بـ الشارع :7
بعدين ركضت وراه قلت شكله يلعب علي :13
ولا معه حقتي
حسيين جب حقتي يا دب
ويرركض ينزل تحت ><”
وياخذ الثانيه عشان ما اخذها ><”
ورمى حقتي تحت عشان اخذها (يعني بس مشوره ع الفاضي)
و جت اختي الصغيره انا ابي اطلع الرقم قلت لها يلا بسرعه و بعدين قالت انا امليك الرقم بسرعه يلا .. و شوي و لا حسان ينقز جت لي خمسيييييين
كل الي بـ الصاله طارت عيونهم عليه:7
وانا قال لي ان البطاقه انتهت صالحيتها مدري وشو الصراحه ما قريت :1
وكل خواتي عليه و انا معهم يا دب وشلون سويت كذا و مدري وشو
و اخذ جواله و اروح لغرفتي برسل الرصيد لي
بعدين استوعبت اني ما اعرف الطريقه >< !
دقيت عليهم بعدين قلت اروح ادور بقوقل
لقيت الطريقة و طبقتها.
بهذي اللحظه جاء بيكحل عينه بـ 70 ريال ><
وانا ما رضيت اعطيه الجوال مافيه جوالك رهينه ليين يجي رصيدي لي :p
بعدين تعرفون حركات الاولاد :13
لف يدي لورا >< ! 
اعطيني و افك يدك
مابي اول اتركني لآ اعلم ابوي عليك
تركني و شاف الـ 70 ريال و رجعه لي وانا ع طوول ركضت لغرفة امي و ابوي اخاف يضربني
ولحد الآن ما وصل لي رصيديL
و الاخ عنده 70 ريال و فرحان فيها يقول اكحل عيني فيها شوي
وبسسس
اي صح مبارك عليكم الشهر 
.
14 التعليقات
1. بدر التمام قال في 1 سبتمبر, 2008 2:38 ص :
خخخخخخخخ اجل انطقيتي !!
ولف يدك بعد ..
الدخول بصراعات مع الاولاد قرار فاشل ..
سلامتك وان شاء الله يرجع الرصيد وشسمه …
2. The Top قال في 1 سبتمبر, 2008 3:01 ص :
قهر !!
لو إني كنت صاحي وقتها أخذتها منه :/ !
ترى حسان ما ينعطى وجه بكرة قاضيه الـ 70 ! :1
تلقينه بيرسل لربعه ويستانس !
أنا أقول وش الإزعاج اللي صاير خلاني اقوم من النوووم !
مشكلة حقين السوا :/ !
3. مناير قال في 1 سبتمبر, 2008 3:07 ص :
خخخخخخخخخخخخخخخخخ
فكيني عليييييه اجيب لك 170 اوب سبعين
المهم بشرينا اذا رجع لك رصيدك
4. عبير الوجدان قال في 1 سبتمبر, 2008 10:53 م :
هههههههههههههههههههههههههههه قهر والله
تدرين انا اذا وصل رصيدي 20 على طول اشحن<<احس ماعندي رصيد اذا كان اقل من عشرين هع
واله يعوضك بأكثر ان شاء الله ههههههه
5. طمووحة للأبد قال في 3 سبتمبر, 2008 1:28 ص :
هع هع هع …
عادي تصير في أحسن العوايل ..
بس جايتك جايتك السبعين .. بس المشكلة اذا ردوا وقالوا الشبكة الان مشغولة <<<< سيكو
علينا وعليك إن شاء الله ..
6. bint aboha قال في 12 سبتمبر, 2008 5:15 م :
يؤيؤيؤ قهرررررررررر صررراحه شفتي لو انكم تسمعون كلامي كان تعلمنا كاراتيه وجودو بعد وصفقنا الاولاد وكان صفقتيه واخذت رصيدك بس يالله ماكل مايتمنى المرء يدركه بس يالله عادي حبوبه تعيشين وتاكلين غيرررهاتحصل في احسن العوائل وان شاء الله يجيك ضعف 70 اللي هو140
7. almhajera قال في 16 سبتمبر, 2008 7:01 م :
بدر التمام :
من قال لك اني انطقيت ؟
..
ومن قال لك بعد ان يدي الفت ؟ :5
خخخخخخخخ تهقين ما ادخل معهم مره ثانيه :5
الله يسلمك .. الحمد لله عبيت 50 و صارت 70 ..
من صبر نال
The Top :
ايييييه يا سوبر مان أنت
..
..
اخوي القوي
ابشرك خلصت
خخخخ وي سوينا ازعاج
وش فيهم حقيت سوا !! وش ملحهم:5..
مناير :
..
..
انا ما مسكت يدك .. يلا شدي حيلك
ما رجع بس عبيت بـ 50 صاروا 70
عبير الوجدان :
..
يا عيني ..
ان شاء الله
طموحه للأبد :
..
..
تهقين ؟
اي ساااااعة يردون >< ” بس ما علينا منهم
إن شاء الله
biet aboha :
..
..
خخخخخخخ خلاص ولا يهمك دوري لي شسمه تدربنا انا و اياك
إن شاء الله
8. بـوح ~ قال في 27 سبتمبر, 2008 7:53 ص :
ياحرام
اللا لف اليد :/ > لوعندي كان طحت عليه تكفييخ > قوويّه ذذ
يالله سلامتس والمره الجايه لاوصييتس تكفيخ > خلييك قويه
9. بـوح ~ قال في 27 سبتمبر, 2008 8:31 ص :
انتي لاحظي ان شوي اتس وشوي اك
> ماعليتس ذذ
ياشين المدونات مابه تعديل *
10. أفيــــاء قال في 9 أكتوبر, 2008 4:58 م :
هههههههههه يا حبي لك
على إنهم مزعجين بس يوسعون الصدر والله
الله يهنيكم ويخليكم لبعض يارب
11. G.Alnaqbi قال في 22 أكتوبر, 2008 10:13 م :
هههههه ,,
سوالفنا يوم كنا صغار ..
كان ما يمر يوم من غير ضرابه من هالنوع ..
الأخوان الأولاد صج مرات عليهم حركات نذاله وترفع الضغط .. !
سوي مثلي .. من أحد يقرب على طول ” باباااااا ” .. وخلاص عقب ممنوع اللمس p;
الله يحفظ اخوانا .. ويبارك فيهم ..
رغم كل هذا .. مالنا غنى عنهم =)
12. TO0OP قال في 23 أكتوبر, 2008 3:29 ص :
يالله أحتسبي على انه صدقة له ؛)
13. 06 قال في 30 أكتوبر, 2008 1:16 ص :
هلا هلا تشرفنآآآ < مابتلت ذذ
آآآآآح الا اللفه :S
ايه خيره بغيره عليووه
والله تو امي تقول يلا اشتر ام 300 الي تجيب 500 ذذ
كم تبين احول لتس ذذ
بس والله سوآ غش يطير الرصيدعلى طوول :”(
مع اني منب راعيه مكالمات بس مدري شلون ؟ ذذ
14. سديم قال في 20 ديسمبر, 2008 3:29 م :
ماشاء الله امك ذوق
وش رايك تضيفيني عندك بالمسن عشان تقولين لي اسمك هع
..
خلي اخواني يجلسون بالبيت ثم لو يذبحوني مو ياخذون رصيدي بس بكيفهــم ص1
الله يخليكُــم لبعض ~
أضف تعليق
التعقيب على هذه التدوينة | خلاصة التعليقات