السلام عليكم !
حيا الله كل من مر هنا
ترى توني لآ تفكرون عدينا الخمسين 
تدوينة هذي بكتب فيها الأشياء إلي حسيتها غريبة أو تطبيق عن شيء 
تقريبًا 3 أشياء 
السلام عليكم !
يمآآه ولآ يبآه ؟
مره كنت بالجامعة و تحديدن بالكفتيريا جالسه مع صديقاتي المهم !
مدري وش صار قالت وحده مننا يممممه !
قاطعتها الثانية قالت ليش نقول يمه مانقول يبه ؟
بدا الحوار يشتغل .,
عاد اشتغلت هاجر بالفلسفه :seko:
وقلت لهم لآن الام اكثر حنان و كذا .,
قالوا لآ نبي اجابه تقنع غير ذي >< !
طيب فيه ناس ابوهم اكثر حنان من امهم ؟ شلون ..,
قلت خل اسأل وانزل بالمدونة يمكن القى اجابه تقنعهم
احد عنده اجابه ؟
السلام عليكم!
جينا لكم بسالفة ثانيه
عاد الحين الخط و ما أدراكم ما الخط 
خاااصه إذا كان زي بعض الناس خربشات دجاج وللأسف
نقول لكم قصص من قصصي مع خطي المليح :$ ..
السلام عليكم !
حياكم حياكم
بمناسبة الأمطار على منطقة الرياض :p
ورجوع جوالي لي 
الحمد لله البراء ضبطه شخرر..الخ ن شخرررن شخرن البراء 
سؤال يدور براسي مع المطر تختفي العقول ؟!
ولا تطير ولا وش تصير لها ؟ ..
مع احترامي لنفسي صايرة كأني دلخه 
بس لاحظت مو بس المهاجرة دلخه فيه غيري :seko:
المهم نقول وش صار لنا بالجامعة :D
أمس بنص المحاضرة سمعت (لا اعلم من مخيلتي أو حقيقة ) صوت تصوير جوال كاميرا 
جاي من جهة اليمين مو قدامي وراي ..
عاد بديت أدور ألي مصورة يوضح من وجهها
يمين يسار فوق تحت شفت جوال ألا جوال بنت قدامي ناظرتها كذا
قالت والله والله مو أنا والله 
جيت برقعها مدري وش بسوي قلت لالا عادي اخذي راحتك : |
راحتك بوشو بس >< !
حمدت ربي ع نعمة :/ ..
و مشى الوضع محد سمع ألا هي وشكلها ما ركزت من الخوف :seko:
طلعنا من المحاضرة جالسه امشي مع صديقاتي رايحين للكفتيريا وشوي ولا تطيرني بنت ><
قلت الحين آنا ما أنشاف ع قولتكم مشيناها طيب شنطتي ما تشوفونها كل شوي مطيريني
البنت : سوري سوري ما كنت منتبه .. لآلآ عادي امزح بس ..
مع ليش ردودي مدري شلون جايه : |
جيت أتفلسف ع وحده من البنات أقول لها الحين البنات ألي حاطين ع رأسهم شيء
ولا وحده وراي تقول يعني
أنا بسم الله (بقلبي ) يوم شفتها هي حاطه ع رأسها ملزمتها بكيسه وفوق رأسها تمشي عشان المطر ..
تحسبني اسبهها :/ ..
انا كنت بوصف شعورهم و كذا : (
أشوى ماسوت شيء بس قالت يعني ومشت
أعيش وأكل غيرهم
سلام عليكم
بما اني من زمااان ما نزلت تدوينه
عاد قلت اجيب لهم سالفه طاااازجة قبل عشر دقايق
السالفه صارت مع اخوي الي اصغر مني بـ ثلاث سنوات المهم ما علينا نجي لسالفه
كنا انا وهو مفلسين ما عندتا رصيد ><”
قالت امي الله يجزاها خير
انتي لك 50 وهو 20
لآني بنت وهو ولد :5^
قلت له يدق ع البقاله يطلب رصيد له 20 ولي 50
طبعًا رفض و راح لأمي
قالت له انت تاخذ كل يوم فلوس وهي ما تاخذ :/
وانت تطلع و هي ما تطلع :/
وانت تشوف اصدقائك هي ما تشوفهم :/
عشان كذا قلت لها 50 ولك 20
وانا اقول اي والله يماه معك حق
وهو طبعًا قال لآلآ ما يصلح وشو هذا
قالت له لك 30
قال لآلآ مابي وبعد مشاجرات معه بس مو ضرب استهبال و انا بس اقهره
قالت امي خلاص اجل 20 وبس
بعدين دق ابوي عليهم لآن حسان رفض
وطلب لي 50 وهو 20 :1 ..
ويدق جرس الباب
نزل حسان ياخذ الطلب
طول وهو تحت
يوم صعد فوق جاء لي قال ترى بطاقتك بـ الشارع
وشوو بـ الشارع :7
بعدين ركضت وراه قلت شكله يلعب علي :13
ولا معه حقتي
حسيين جب حقتي يا دب
ويرركض ينزل تحت ><”
وياخذ الثانيه عشان ما اخذها ><”
ورمى حقتي تحت عشان اخذها (يعني بس مشوره ع الفاضي)
و جت اختي الصغيره انا ابي اطلع الرقم قلت لها يلا بسرعه و بعدين قالت انا امليك الرقم بسرعه يلا .. و شوي و لا حسان ينقز جت لي خمسيييييين
كل الي بـ الصاله طارت عيونهم عليه:7
وانا قال لي ان البطاقه انتهت صالحيتها مدري وشو الصراحه ما قريت :1
وكل خواتي عليه و انا معهم يا دب وشلون سويت كذا و مدري وشو
و اخذ جواله و اروح لغرفتي برسل الرصيد لي
بعدين استوعبت اني ما اعرف الطريقه >< !
دقيت عليهم بعدين قلت اروح ادور بقوقل
لقيت الطريقة و طبقتها.
بهذي اللحظه جاء بيكحل عينه بـ 70 ريال ><
وانا ما رضيت اعطيه الجوال مافيه جوالك رهينه ليين يجي رصيدي لي :p
بعدين تعرفون حركات الاولاد :13
لف يدي لورا >< ! 
اعطيني و افك يدك
مابي اول اتركني لآ اعلم ابوي عليك
تركني و شاف الـ 70 ريال و رجعه لي وانا ع طوول ركضت لغرفة امي و ابوي اخاف يضربني
ولحد الآن ما وصل لي رصيديL
و الاخ عنده 70 ريال و فرحان فيها يقول اكحل عيني فيها شوي
وبسسس
اي صح مبارك عليكم الشهر .
