هذا عيدي وروني عيدكم :D !
السلام عليكم !
اححححم احم احم .. أدخل ؟ < تحسون مبطي عنكم ولا يدري وش يسوي بس قسما بالله عندي عذر 
!
بعد آخر تدوينة سويت عملية ليزك لعيوني الحلوات 
وراح أنزل تدوينة جديدة عن عمليات تصحيح النظر والليزك إن شاء الله 
وبعدها جاء رمضان وعادتي ما أنزل شيء برمضان
سيبونا من الكلام اللي ما يودي ولا يجيب يله وخلوني أبدا تدوينتي ! ما لكم شغل دونت وإلا تأخرت 
< أيوه أيوه وراه قام يزاعق ذا 
أبشركم كان عيدنا اول يوم بشوال يا الله لك الحمد 
< قل قسم ؟
وكان عيدا كويسا جدا جدا ولذلك لأسباب كثيرة جدا جدا سأذكرها لكم جدا جدا < ذا اللي يحسب جدا جدا حركة لا كررها
طبعا ليه كان عيد كويس ؟ اولا جدا : انه أول عيد بعد تخرجي 
وثانيا جدا انه اول عيد لي بعد عملية الليزك ! < ذا اللي فرحان انه سوا عملية
طيب ليه ما أخلي القرق وأبدأ بالصور ؟
انطلقنا للمعايد بمسجد الوالد مسجد طلحة بن عبيد الله بعد صلاة العيد الواقع في حي النهضة بشرق الرياض طبعا بعيّد شوي عن بيتنا !
وكان قائد المركبة الأستاذ الكويس الكبير البراء الرشود 
< امدح نفسك ببلاش
كييييف الكشحة والشغل ؟
حسيت اني مدري كيف صراحة
المهم وصلنا للمعايد وقبل لا أحط لكم صور خلوني أعطيكم بعض الحقائق عن معايد مسجد طلحة بن عبيد الله 
أصل المعايد كان في حارة قريبة من المسجد .. وكان يصل عدد الصحون إلى 200 صحن تقريبا وزيادة ..
فانقسموا إلى مجموعتين مجموعة عند المسجد ومجموعة في المكان الأول .. تحسبون العدد صار أقل ؟ لا الحمد لله صار اللي عند المسجد يوصل عدد الصحون 150 واللي بالحارة السابقة 100 وزيادة 
طبعا تخيلوا ان كل عايلة بتجيب صح أو صحنين بالكثير وتخيلوا العدد !
نعود لم الصور 
< أما لم ما لها دخل مثل سلمان لن محمد
هنا بداية التجمع ووصول الوفود ويظهر في الصورة أنا كني بدي قارد لأبوي اللي لابس البشت وصاير كشخة كني أشوفه يوم زواجه بأمي 
< أيوااااه بدأ النصب بديييينا
داري داري اني أطول من أبوي وكني أكبر منه لحد يقول كذا 
تحطمت صرت احس اني كبير كل ما سلم علي واحد قال ما شاء الله كنك أخو أبوك الكبير ! < يا حراااام رحمناك 
وهذا أيضا مع بداية التجمع 
الحين بأحط لكم شلقة صور لتجمع الناس وسلامهم وبأعلق على بعضها ! < أما شلقة ما تعرف تعبر أنت ؟
—-
—
في هذه الصورة أظهر أنا وخشتي احوس بالجوال جايتني رسالة مدري من مين
—
— < الحين العادة احط ثلاث شرطات او اربع ؟ نسيت ومتعيجز اصعد فوق أشيك
وفي هذه الصورة يظهر أصغر واحد من خوالي ثاني واحد ع اليمين خالي يوسف .. كانوا يسمونه قبل صقر الحسن 
eko ! يعيش خالوووووو
—
في هذه الصورة 3 من عايلة العنيزي وواحد من عايلة الدايل ! تتوقعون عيال العنيزي يقولون للدايل تعال معنا خلك عنيزي واسحب ع الدايل < معليش شباب امون وإلا ؟
—
—
—
في هذه الصورة أظهر وأنا أسلم على أحد المعايدين حفظني الله في حلي وترحالي < برا بالله
—-
يظهر بالصورة أبو معاذ القشعم .. ونعم فيه والله هذا الشخص حبيب ورائع .. بالمعايد لا بدينا الأكل يفر ع الناس يقول هاااه من يبي مرطب للفم مرطب للفم .. وش تتوقعون مركب الفم ؟ فلفل حااااااااااااااااااار ونعم المرطب والله يا ابو معاذ — عشان ما يجي واحد يضيع ابو معاذ هو اللي يمشي ع الفرش
—
—
أنا أشخص 
—
طبعا لا بدت السفر تكتمل والصحن تكثر والجماعة تجتمع تبدأ الصيحات بين الجماعة فجأة كذا تسمع واحد يصارخ طااااااااح ؟ هااااه طااااااااااح ؟ الثاني لا لا اصبر اصبر باقي شوي طااااااااااااااااااح طاااااااااااااااااح ؟ لا لا باقي باقي المهم لين يقررون طاااااااااااااااااااااااح ويبدأ الدبغ بالنعمة
طبعا تختلف الأكلات بين مطبق اللحم أو المحمر ( والمحمر رز حالي شوي مع زعفران وهيل ) أو مطبق دجاج .. طبعا المطبق كلمة كويتية والأشهر عندنا يا السعوديين هي كبسة !
ونظام الأكل ما فيه اقعد على صحن وتربع ! لااااااا .. كل لقمة وامش للي بعده ما يصحش تقعد أبدا البته : فعشان كذا بتشوفون بالصور ناس واقفين ذولا في مرحلة الإنتقال بين صحن لثاني 6a
صور متنوعة للدبغ
—
—
—-
—-
—
في ذي الصورة أظهر أنا ومصعب السلطان الله يحفظنا نتابع أحوال الطعام والمؤون في العيد تحسبا لأي نكبة
—-
—
—
هذي أبرز الصور الموجودة .. طبعا ما أنسى أشكر المصور الخطير الأخ حسان أخوي اللي كان أصغر اخواني الأولاد قبل لا يجي حمودي
كيف الصورة ؟
ما تحسون انه عضو بالمافيا مثلا ؟
أصلا احسن شيء لابسه نظارتي اللي مشلحها مني
يله ختاما عيدكم سعيد مبارك العباد ليل هادئ < معلش ابو عباد شبكت خط
وكل عام وأنتو بخير ! 
وعليكم السلام
اما صورتك !
كأنك ياخي جاي من لوس انجيلوس هههههههههههههههههههههههههه
كل عام وانت بخير يا اخونا الكويس
ههههههههههههههههههههههههههههههههههههههههههههههههه !
كل عام وأنت بخير برء رء جِداً جِداً !
لي عودة جِداً .. << بلشت مدري وش أكتب !
ما شاء الله
الله يجمعكم على طاعته ويعيد عليكم العيد وأنتم بأحسن حال
وكل عام وأنتم بخير
ملاحظة: رقم حسابي: 123456789 حول كل عياديك … لا يروح فكرك لهناك … أبجمعهم لك وأردهم لما تكبر
قررنا نطلع نزين لنا عيد ثاني اللحين بهالليل
أخطر الأخطر ما شاء الله تبارك الله .. وعيدكم مبارك
ههههههههههههه
وناسة ماشاء الله
بس سؤال، ايش الأفضل يعني
الواحد يصبح مع اهله ولا مع الحارة؟
اذا مع الحارة احنا كمان نطالب بحفلة زي حقتكم
لا حلو والله عيدكم براء
هذا عند المسجد؟ طيب وراكم كذا حاطينه عن بيت؟ شكلهم جماعة المسجد..
غريبة ليه ما أخذتوا حمودي معكم
ينعاد عليكم العيد يارب بالخير و الفرحة
طيب ما يصلح واحد يجيب معه فنة من القرموشي وياكل لحاله
ماشاء الله عيدكم روعه
وناسه الأكل بالشارع بس ليه عنصرية كذا
ما تخلون الحريم بعد ياكلون بالشارع
كل عام و أنت بخير أخوي
الللللللللللله
يونس عيدكم جدا ً جدا ً ..
وشكل الشارع والناس مرررة تحس عيد
نظارتك عجيبة يالبراء
وشو ذا اللي طالع منها على جنب
دائما ودي اشوف شيسوون الرجال بره
وعيدكم مبارك جدا جدا
وأخيييرا شفنا معايد أهل بغلف !
يحليل حمودي ربي يخليه لكم ان شاء الله
أما حسّان صاير كأنه سهيل المطيري
كل عام وانتم بخير .. تعودونه ان شاء الله
@يزن علي
لوس أنجلوس ولابس شماغ وثوب
@تراتيل الصباح !
أحتريك ترجع جدا جدا والا ما ارد على مدونتك جدا
@أسعد
عيديات مين يا حسرة
تعرف تخرجت قالوا خلاص توظفت انت عيدنا
@almuna
توكم تقررون ؟
@‘FrashatAljannah
حنا نصبح مع أهلنا ثم نروح عقب العيد للحارة ما تجي الساعة 8 تقريبا 8.30 إلا منتهين نروح ونقعد مع أهلنا ثم نفر على مجالس اللي يقربون لنا نسلم عليهم
هههههههههههههههههههههههههههه
< -ذا اللي تحسه مغصوبٍ يعلق 
ههههههههههههههههههههههههههه
ههههههههههههههههههههههههههههههههههههههههههه
ودّي أعلّق على شي بس أخاف أستاثم من قللب
يالله لاتعااقبنا بس
إيواا .. أحم ؟ كيف الصوت عقب الضحكه ؟ < – ذا اللي شبك خط على إنه بمدونته
عودا حميدا والحمدالله على سلامتك وفكتك من هالنظارت القُبح
وصورك كلها كويسه جدا جداجداخلااص
@iRazaq
هذا عند المسجد بس بالشارع المجاور لأن مواقف المسجد فيها سيارات الناس
@A.Rashed
تعال الرياض وناخذ فته الله يقلع شيطانك اشتهيت فتة بالليل
@نوفه
عنصرية مين والناس نايمين ؟ < يحرك يدينه زي ذاك المصري
الحريم ببيوتهم معايد وشغل !
حنا بس ذا معايدنا عقبها نطلعهم ونفر فيهم
@Jaz
غريبة عاد الحركات ذي مشهورة عند الشرقية أهلك ما يسون كذا ؟
والنظارة الزيادة ذي عشان تغطي العين كاملة !
ياسلام على الصور
العيد فرحة ويكفي فيه إجتماع الناس
عاد أنا أبي أحط رابط لأعياد حايل
يعني عن أذنك أخوي البراء
http://forum.ma3ali.net/t633366.html
وه بس ياحمودي
..
وراكم تعايدون بالشارع ؟؟ ماهنا مجلس ؟؟
يااي عيدنا كااااان حيل حلو
وكوشخآآآآآآآ صورة حبودي
وصورتك
<< نفس شكل ده ذذ
وشكرن على الشسمه نسيت ذذ
آحلى بدايه صورة حبود
و لا بعد بكامي 
! شي ولا اروع 
!
و لا بعد النهايه :p ،
ياخي احمدوا ربكم تحسون بالعيد
، احنآ عادي كآنها زواره 
،
شكرًا لك ع التغطيه شكرًا لـ البراء شكرًا لـ حسان شكرًا لي
!
و الاخ حسان بس حسان شوي اقل صور من بعض الناس 
لا انسى ان اذكر اني جاهدت في تصوير الاخ أحمد و الاخ البراء لانه يسوق
^ طولنا بس عادي ممدونه اخوي
ماشاء الله أحلى أحلى شي صورة حمودي الله يحفظه ~بسم الله عليه
مدري ليش غالباً أحس أن عيد الرجآل أطعم من عيد الحريم
عشانهم يتعيدون برا يعني؟ 
موفقين وعيد كويس ^^
عيدكم مبارك جميعا،،،
ماشاء الله تغطيه جميله وتصوير دقيق لكل حدث..
نفس أطباع عيدنا بالضبط >> وخاصة القومه من الصحون< أحب
الأطفال< الله يحفظه من كل شر تم حفظ صورته إسمح لي….
أمتعنا بتغطيات أخرى…
عيدكم مبارك جميعا،،،
ماشاء الله تغطيه جميله وتصوير دقيق لكل حدث..
نفس أطباع عيدنا بالضبط >> وخاصة القومه من الصحون<أحب الأطفال< الله يحفظه من كل شر تم حفظ صورته إسمح لي….
أمتعنا بتغطيات أخرى..
ما شاء الله تبارك الله، نقل خيالي تشكر عليه و خاصه انني فاقد هذي الجمعات من فتره الله لا يحرمنا من شوفتها .
ثاني شي
تصدق اول ما شفت اخوك حسبته حق قناه المجد اللي وش اسمه يارب ،،،،،،،،هذا اللي معه اقبال ،، نسيته ، بس اول ما اذكر اقولك اياه،
وبالنسبه للي يقولون ان عيد الرجال احسن من عيد الحريم ، اقول لهم
صحيح ان عيد الرجال اوله وناسه
بس المشكله بعد هالوناسه تجي شغلت ود وجب وانتظر ووصل لفلان وانتظرني ماني متاخره خمس دقايق ( ساعه ونص )
بس وش نقدر نقول ، السلطات العلينا ممثله بنائب الداخليه وولي العهد حفضهم الله في حلهم وترحالهم والله يطول بعمرهم ان شاء الله
قلبتها جريده ،،،،،،،،> تلاحظ
عيد مبارك عليكم كلكم .. وبصراحه اول مره اشوف عيد كذا .. حنا العيد عندنا نسويه بقصر ويجتمع القاصي والداني من العائلة المكرمه
ثمن يجيك الهم من التمطيخ والتبويس .. ويقرفون الواحد بالطرطعان ثم تجي عملية الانتقال للغداء وما غير ظرب بالكبسات ..
ثم كل واحد يطس لبيته واقفل القصر واروح اخمد
براء الحين ذا صدق عيد ولا تفطير صائم ؟ذذ
ياخوي عليكم سفرة إنما إيه
!
بعدين والله ياخالك من جد عاااااااااايش جوه بالصورة
!
وصورتك وأنت تشخص تراني كنت مركز ع اللي بالي بالك
<< مب وقته ذا 
الا تعال الحين اذا قعدت افر ع الصحون الممدودة ذي كلها ماتنسحل تسبدي ؟
يعني يعني أكيد الكبد تكون طبيعية
؟
ليتني معيّد عندكم صراحة ..
شوكراً لك وشوكراً لعصابة المافيا ع التصوير .. دايم نجي الرياض ماقد شفناه ابد دايم متخفي
!
اخيراً شكراً لي لأنك ماشكرتني ع المشاورة الي ع المسن
<<تحس الا بالغصب يشكر نفسه بكل تدوينه 
شكراً براء مان
..
أهم شي الفله بالعيد ..
الله يعيده عليكم سنين وأعواام عديدة ..
عيدكم مبارك
والله يخلي هالصغنووون
ماشاءالله وأحلى شي بالعيد البساطه
أما أخوك حسان يوم شفناه انا واختي قمنا حسبناه سهيل المطيري
حنا عاداتنا زارات البيوت
ايه وتغطيه حلوه شكرًا ^^
كل عام وأنتم بخير وصحة وسعادة
الله يعيده علينا وعليكم بأحسن حال
عيدكم ( رائع ) ماشاء الله .. الله يخليكم ويهنيكم
وحمودي لحاله عيد الله يصلحه ويحفظه ويقر عينكم فيه ..
عيدنا هالسنة في ( عالية المدينة ) مع مهرجانات الأناشيد
أوما عيييييدكم
تخييييل أطلع للحارة وأعيّد معهم, ههههههههههه !
بس من جد يا سلمان سفترهم طالعة كأنها تفطير صايم خخخخخخخخخخخخخخخخخخخخ
بعدين بعدين ليه تآكلون بالشارغ ما عندكم بيوت أنتم ؟ >< <<< بررررررررررا
الله يوفقزكم ويبارك فيكم
وإن شاء الله حمّودي العيد الجاي يطلع معكم ويعيّد
وشمسة بعد عصابة المافيا ذي ترّوع
وانت ماشاء الله عليك طالعن جخ
^
ترا كل ذا الكلام حشوو, بس أبي استعمل السمايلات
كل سنة وإنتا طيّب حبيبي البراء
((داري داري اني أطول من أبوي وكني أكبر منه لحد يقول كذا تحطمت صرت احس اني كبير)))
هههههههههههههههههههه كله كوم وهالجمله كوم ترى محد بيحس فيك الا اختي هع
بس وناسه كذا صبح العيد والعالم رايحة جايه
عيدم مبارك والله لايفرق شملكم يا رب
ههههههههههههههههههههههههه
هههههههههههههههههه
هههههههههههههههههههههه
أمّا أبو معاذ القشعم ذا لحاله سآآآآلفة
يذكرني بواحد من الجماعة نفس الحركات ..
بس خل عنك هذي الأعياد ولا بلاش
كل عام وأنت بخير ودوم هـ الجَمعة
والله يا أنـا عجزت أهضم هالسالفة
يعني عمرَك شفت أحد ياكل عدَس صبح العيد؟ -> ما يقصد براعة فنّان أبدًا,
المهم والله بالعيـد الجمعَـة, حنّـا عندنـا رِز والحَق أهلَك, وهاتَك يا لحم, ما فيه إلاّ قوّة لحَم.
أهم شيء النظّارات جايّة زاويَة حادّة مع الجنب, لو أطعنَك بها متت -> برّااا
الله يملى أيّـامَك عيد, وكل يوم عيد إن شـاء الله علشان نشوفَك كاشِخ,
يآآحظكم يالرجآجيل ..
تصدقون أحس بمتعة العيد إذا شفت الصور اللي كذآ ،
تحس من جد إنه عيد وفرحة وإجتمآع ، يآآحظنآ بديننآ وعيدنآ والله ،
مدري ليه أحس بعظمة الإسلآم سبحآن الله ..
أعيآد الرجآل دآآئماً أحسن من الحريم ، لأنهم بسيطين وأروآحهم نظيفه ،
مو حنآ يالحريم ترزز ويآآآآآآآآآآي ، إلأ من رحم ربي ..
اكتشفت إنه مو أنا بس اللي أمشي وأصور صبح العيد
بس مآآشآآء الله صرآآحه عيد شي
مثل عيدنآ تقريباً ، عندنآ بالرس من بعد صلاة العيد يلبسون بسرعة ويطلعون يعآيدون عند المسآجد وبالحآرآت ويكون هناك اجتماع وعيدهم 8
وإذا جت 8 ونص او 9 يجون يآخذوننآ أنا وأمي وأخواتي نروح لاستراحة هناك نجتمع الحريم والرجال يعني اجتماع العوآئل مو الجيرآن وعيد الحريم 10 ونص او 11
، وبعد الرجال لهم عيد ثآني حول الظهر –> يعني أنعآآآم يارب لك الحمد ..
الله يديم علينآ هالنعمة ويتممه على خير ويعيده علينآ وعليكم أعوآم عديدة وأزمنة مديدة ،
ويبآرك لنآ بعيدنآ ، والله يغفر لنآ تقصيرنآ ويتوب عنآ ، ويعتقنآ من النآر ..
آمين وإيآكم والمسلمين
كنت ناوي اقابلك لكن يوم شفت صورتك بطلت
اهم شي وأحلى شي .. خشتك المباركة ^_^
كل عام وانت بخير وعيدكم مبارك
القاسم المشترك بيني وبينك إننا كلنا نحب الثياب الكويتية
خوش صور والله ,,
وأنت خج ماشاء الله عليك ,,
الله لايضرك ,
ماشاء الله ..
الله يعيده بالخير (:
أقدر أعطيك جائزة أغرب عيد على الإطلاق
ماشاء الله أجوائكم رهيبة مرهـ + ونيسه
ربي يهنيكم كل سنة وكل عيد
وحمودي وش مليحته ربي يحفظه
موفقييين يارب
اللحين من جدهم يآكلون كبسات ولحمات في النهار
!
ما شاء الله تبارك الله , عيد جميل وعساكم من عواده وجميع المُسلمين
عوافِي
ماشاءالله يا عيدكم ,, بس هذا فطور متأكد ولا غداء
!
بس ماشاءالله مره حلو
يحول ياللي يصور ملعوب عليه هو يصور و أنت وخويك تلهط و تسولف
..
ماشاء الله تذكرت عيدنا في بيت جدي الله يرحمه نطلع ونشوف الرجال والسفره
الي في الشارع
بس جد أحس لها طعم غير
ينعاد علينا وعليكم بالمسّرات
شف حط صوركم ما يخالف
بس أخوك الصغير لا عاد تحطه واقرا عليه المعوذات
بسم الله عليه
ودي و دريت ..
ونيت 78 وأضرّب بوراي تخريب ..
طيب البيت اللي وراكم ليه ما صبغ البلك حقه !
الفطور مفاطيح ..
نفس حركات بو زبر عندنا بالشرقيه ..
طلقت عيدنا يوم شفت عيدكم ..
أغدين اطبقه بعيد الأضـــحى
شووووكرياااات ياولد الرشود
اوووه موب سهل البراء ذذ
>>السمايل يعبر وحده 
اووما عيدكم
شسمه
والله شكلك مو على طريقت كلامك>>>لا عاااااد
الله الله
انا مو همني الكل انا همني الجمعه ولا ونااااسه
خصتن معا عيل عماني وخوالي كيذ معك طرطيع ولا صواريخ ونااسه
يليت العيد بكره أو كل شهرين يجي عيد
تقبلوو مروي نايف السبيعي
ههههههه
والله فللللله
ماننحرم جديدك..
مجهود جبار بارك الله فيك
تبي الصرحة خنقتني العبرة يو شفت سكتنا وابوي واخواني واليران تعيد >>> متغرب من اربع سنين
عسى الله مايفرق جمعتنا
وتعودونة كل سنة ان شاء الله
وطاااااااااااااااااااااااااااااااااح
أسلوبك أصغر من عمرك ؟!!
والله من زمان اقول حق اخوي الصغير
صورلي الجمعه بشوف شلون جمعتهم ويسحب علي
والله فله
واخييييييييييييرن جاتلي الصور
تتتطفل العنصر النسائي
شووووكرن
يا سبحان الله
هذي العاده لازالت موجودة وبهذا الحماس !! ماشاء الله تبارك الرحمن اله لا يغير عليكم يارب
والله ذكرتني قبل تقريبا 15 او 16 سنة نفس المكان بالضبط حضرت هذه الطقوس الجميل جدا
حيث ان خالي هو سلطان العنيزي ( نعمـــان ) سابقا ابو عبدالله الله يحفظه
شكرا لك اخي الكريم على هذه الصور والتقرير الجميل