The Top المصمم المغبر :p !
السلام عليكم !
ازيكوم كيف حالكوم أنا من زماااان ما شفتكووووم ! 
اليوم وبحمد الله قبل لا أبدأ تدوينتي الجديدة الكويسة كليا ..
أعلن تخرجي رسميا من جامعة الإمام محمد بن سعود الإسلامية من قسم اللغة العربية هييييه 
هييييه هيييه هيييه < أبو الخريج الرقلة ماش ما من ثقل 
الحين وش أبي أكتب عنه التخرج الرسمي وقضينا منه
ايه ايه ..
أنا لي فترة ما صممت أبد !
يمكن آخر تصميم رسمي لي قبل سنة ونص يمكن تزيد أو تنقص أو تزيد أو تنقص أو مثلا كذا يعني تزيد أو تنقص أو تزيد أو خلااااص 
المهم سويت تصميم لمركزنا الصيفي يؤ يؤ أقصد نادينا الصيفي
طبعا يمكن ربع طويطر قصدي تويتر شافوه بجيمع المراحل اللي مر فيها
أبلشتهم كل شوي وش رايك هاه زين هاه مدري ايش وقلق جعلكم ما تصيرون مكانهم والله يا أنا نشبة وقلق 
< فرحان وخشته هو وابتسامته الغبية ذي
طبعا التصميم طبع على مقاس A2 ! اي ما يعادل للشيبان اللي ما يعرفون المقاسات 4 أوراق A4
أو 70×50 سم ! < سم وإلا شسمه هذاك شلونكم بس ؟ < يا ليل انا بس من اشوف ذي الإبتسامة انقهر
والتصميم الآخر كان على شكل فلاير A5 وجهين أي نص ورقة A4 برضو للشيبان !
طيب بدل ما أقرق واجد وأسوي زحمة وشسمه هذاك ايه ورى ما أعرض التصاميم وأنا ساكت
تصميم البوستر الاعلاني الـ A2 :
والآآآآآآآآآآآن مع الفلاير الإعلاني اللي بحجم A5 هيييييييييييييييييه ! < لا عمرك تسوي جذب ودعاية 
عشان ما يجي أحد ويشغل مخه بزود ترى اللي ع اليمين وجه واللي ع اليسار وجه ! والله الله يا عبد الله جيب القهوة < براااااا
وش رايكم بس موب خطير بالله موب خطير هاه وش رايكم ؟ هاه وش رايك وش رايكم بي خطييييير خطيييييييير 
< وراه ذا الحين مستانس الظاهر إنه طبعوا له تصميم
ما تلاحظون إن لون التصميم زي ألوان تنسيقي بالمدونة تحسون ما أعرف غير ذا اللونين المتناسقين
ايييه وشلونكم أنتو ؟
ما ودكم بس نكشت ؟
إلا نكشت بذا الجو الزين ونفلها يا الله لك الحمد درجة الحرارة مير زينة العصرية ابد ابد 40 41 موب ذاك اللي !
يعني الحين الحين درجة حرارة الإنسان 37.5 صح ؟ يعني عادي عنده 40 برااااد برااااد ! < وراه قام يسولف ذا الحين
يله يله لا نبدأ نحوس السالفة
نشوفكم على خير 
أول شيء على البركة التخرج رسميا ..
ويا رب ما يصير عندك شيء ناسيه ..
إلا .. سؤال ألحين كيف جاء براسك الربط بين درجة حرارة الانسان ودرجة حرارة الجو ؟
مبروك البراء سهيل أحمد الرشود التخرّج !
إن ما علمت أبوك إنّك ساحب على حفل التخرج …
!
يا كلك … ما تبي أبوك يفرح بك و يشوفك بالبشت السبك حقّهم !
ايه على فكرة المركز حقنا … قصدي النادي ذذ
يعيش النادي حقنا … اللي يبي يشوف البراء و يشوفني يسجّل معنا في النادي … هيييييه !
ألف مبروك حبيبي ضا طوب التخرج وعقبال العرس
التصميم كويس قدن قدن وألونه صيفيه لكن أنت تشوف الأنشطه سداسيات رياضيع وغيرها لو رتبتها وحطيت إذا تقدر
جنب كل وحده صوره والله بيكون التصميم أطلق تصميم هذي الملاحضه اللي عندي
دمت بخير
براء بما ان صرت اعرف للفوتو ,
فالمفروض انك عارض علي التصميم قبل لاتعرضه على ربعك يا شكل شكلك يامخيس
الشاهد متى اجيك ؟
صالة ألعاب ترفيهيية !
مرره عجبني التصميم ماشااءلله ..
طيب بسألك البراء … الخط المستخدم لكلمة ( النادي الصيفي ) هل هو نوع من انواع الخطوط ؟ او مستخدم برنامج اخر زي الكليك ؟ لاني سألت ولد اختي يقولي لالا هذا بالفوتو مجرد حروف وقالبها ومركبها على بعض بحركة ؟؟ صح
؟ << تحدي بينهم صار وين الصح خخخ 
وكمان ممكن تعطيني الخط بجلمة ( نعدهم لمستقبل افضل )
ويعطيك العافية
تصميم ممتاز وشهادتي في تصاميمك لا يعتدّ بها
الصراحة تصميم أكثر من رائع
الله يوفقك وينفع بك وبموهبتك
ع فكره التصميم تبع الاخ موجود عند الدرج
..
التصميم تعرف رايي فيه
صار عندنا خريجين جامعيين
شرايك افصل لك عبايه تخرج و قبعه تخرج و اصورك 
.. عشان ترزها بالمدونه 
،،
) !
مبارك التخرج رسميًا
وش تبي هديه بس ؟ ،، يمدحون ٥٠ ريال (الابتسامه الموجوده فوق
وبس
حلو يا براء ..
- في التصميم الأول طريقة توزيع النص ( سداسيات رياضية – زيارات ورحلات – … ) + ألوانها
تحتاج إلى تغيير .. مثلاً تكون على شكل أيقونات وكل برنامج له صورة صغيرة معبرة عنه ..
هذا خط يد .. من كتابة الخطاط طارق ..
وقَف وقَف ,
اللحين تبي تقنعني أن هذا التصميم الي ازعَجتونا فيه امس ؟
والله ما هقيتها منك
تصميم جميل..
والله يوفقكم في ناديكم..
ومبروك ياخريج..
ما شاء الله..
ألـــف ألـــف مــــبـــروك يا البراء..
يا زيييييييييييين الفكة من الجامعة
شعور لا يوصف نهائياً
شعور فرح يخالطه بعض الحزن..
شعور حزن إذا تذكرت أنك كنت في الجامعة وتقول يا ليتني مفتك من هالجامعة من زمااااااااااااان
تصميم رائع والله يوفقك في حياتك العملية.. ويالله شد حيلك وجهز الــ CV وابد التقديمات من بكرا
كل الـــود
على البركة التخرج يا براء ..
وبصراحة التصميم أوب صآآحي ما شاء الله !
الله يزيدك من فضله !
عذرا ردي خارج عن الموضوع
فإن كان يزعجك فأحذفه .
مادام أنك ماشاء الله خريج قسم لغة عربية
لمَ لاتكتب تدويناتك باللغة العربية الفصحى
بدل العامية المبتذلة .
أعتقد أن مدونتك ستصبح أروع باللغة العربية الفصحى
و لاسيما أنك من أهلها .
موفق لكل خير ..
تشجع النصر؟
@وجهة نظر
لو نظرنا للأمر من زاويتك ، لوجب على الجميع الحديث باللغة العربية ، فنحن عربٌ وهي أيضا لغة القرآن .
ولو نظرت إلى باقي تدويناتي لوجدت الكثير منها باللغة العربية .
فالأمر ليس حكرا فقط على خريجي كليات اللغة .
أنا أحرص على الكتابة بالفصحى إذا كان الأمر على قدرها ومكانتها .
لكن ما يسمى بـ(سواليف المجالس ) فلا أحب كتابته باللغة العربية .
هي وجهة نظر لدي على الأقل .
شكرا لك على حرصك ونصيحتك ، وإن رغبت باستكمال النقاش ففي هذا الرابط : http://the-top.ws/albaraa/?page_id=39
ما شاء الله مبروك التخرج !!
عقبال نشوفك عريس >> سلمات من وين جاي ، داخل عرض
..ذذ
بالنسبة للتصميمات فهي رائعة قدن قدن جدًّا ..
تقبل مروري ،،
المشتاق سابقًا ..
معليش يا أخوي البراء موضوع خارج التدوينة ..
إذا ما أعجبك احذفه ..
بما إنك مصمم يخوي ..
ليه ما تلحّن ؟
ومشكور !
مبروك التخرج
والتصميم فرايحي وألوانه مرتبة وحلوة .. بس كأنك أستخدمت كل الخطوط إللي في جهازك وزدت عليهم من عندك كمان
بالتوفيق
والسـلام
ماشاء الله تصميم رائــع وبقمة الروعــة ..
بالنسبة للتصويت ياليت تفرد له تدوينه خاصة
ونتمنى من الله ان يثبتك من الهروب من هذه الظاهرة
):
أولاً.. مبروك التخرج .. ووفقكم ربي ..
ثانياً .. التصميم رائع ..
لكن مع زحمة الامتحانات ..
اللهم إني قرأتها [ مستعرين ] وأقصد [ مستعدين ] >< ..
ماعلي لوم .. كل البيت إجاة إلا أنا ..
موفق ومعان .. وعقبال .. الوظيفة الكويسة بإذن الله إن لم تجدها بعد وإن وجدتها فالعقبى لمن تُحب ….
شكراً لك
مبروك التخرج ..
وبما أنك أخوي البراء تحب الإلقاء وراك ماتصير مقدم بإذاعة القرآن ,
ع العموم هي نظرة وجه بإمكانك أن تحذفها إذا ماجازت لك
ما شاء الله هذا وانت مغبّر
جميل جداً من منظوري
وحلو يكون لك ستايل موحّد , يعطيك تميّز ,
يعني لو مثلاً بأشوف اعلان او بوستر بأي مكان ألوانه ( اورانج & سماوي ) علطوووول بقول انه تصميم ذا توب
مبرووووك التخرج
إلا كم ماده حملت ؟
<< تحسب الناس مثلك! هع
ـــ
مين لاعب عليك وقال أنها متناسقه !! << بيندبغ
حلوه بس أشوف أن اللون البرتقالي حااار مايصلح لتصميم إعلاني صيفي!
والظاهر مع هالكروكي بروح لـ شهار
التصميم الأول الأنشطه اللي فيه أحسن لو مبينها بطريقه واضحه
^
هذا الشخص ترك شيء!؟
بس حلو على واحد ساحب ع التصميم من زمان ! << يقاله يحسن الصوره!
.:.
@pr.Unique
من جد … الكروكي يقال له حركة … اقلبوا التصميم عشان تفهمون :p
أنت دقق في الإملاء بس … أجل ألعاب ترفيهيييييية !
يقال إذا كثّر ياءات حمّس الناس !
على طاري المركز مدري النادي … الحقوا … و الله يا التسجيل اليوم حمااااااس … خايف تجون بكره ما تلقون محل :p
و اللي بيجي بكره العصر … يجيب معه ملابس سباحة …
ماشاءالله ( مبدع .. مبدع .. مبدع .. إلخ
)
التصميم مراآ شييي ^^
موفّق // ~
أحلى أحلى .. مبروك التخرّج و هالإبداع بالتصميم /
مبرووك التخرج وعقبال مانشوفك عريس مرزوز مثل ذا
وبجنبك مثل ذي 
<قير اوت
تصميمك الصراحه تحفه بس والله مادري من متى صار تناسق بين البردقاني والسماوي <بيتصفق